ንእግዚአብሔር'ዶ ንስምዓዮ

 በስመ ኣብ ወወልድ ወመንፈስ ቅዱስ ኣኃዱ ኣምላክ ኣሜን

        ንእግዚአብሔር'ዶ ንስምዓዮ        


ሓደ ሰብ ይመውት'ሞ፡ ገነትን ሲኦልን ዑደት ይገብር። ንሲኦል ተረኣያ ግና ብዙሕ ስለዘይጸልኣ፡ ንዳግማይ ግዜ ክርእያ ይሓትት'ሞ፡ ይፍቀደሉ። ደጊሙ ምስ ረኣያ'ውን ሰይጣን ጽቡቕ ኣቀባብላ ስለዝደገመሉ፡ መሊሱ ፈተዋ። ድሕር'ዚ ናብ ገነት ምስ ተመልሰ፡ ናብ ሲኦል ሳልሳይ ዑደት ክገብር ሓተተ።


 ሽዑ "ሕጂ ተኼድካ ግና ናብዚ ምምላስ የለን፥ ወዲእካ ኢኻ!" ይበሃል'ሞ፡ በዚ ተሰማሚዑ ንሓዋሩ ናብ ሲኦል ጠቕሊሉ ይኸይድ። የግዳስ ዘይከም ናይ መጀመርያ ዑደቱ፡ ምቕማጡ ኣብቲ ዝኸፍአ ስፍራ ምስ ዝኸፍአ ስቓይ ኮነ። በዚ ተገሪሙ "ንምንታይ ደኣ ካብ መጀመርታ ከምዚ ጌርካ ዘይተቐበልካኒ?!" ኢሉ ይሓትት'ሞ፡ ሰይጣን "ሽዑ ቱሪስት ኴንካ ንዑደት ኢኻ መጺኻ ኔርካ፥ ሎሚ ግና ዘልኣለም ክትነብር ኢኻ መጺኻ" በሎ። እዚ ፈጠራዊ ዛንታ እቲ እኲይ ዝጸመድለና መፈንጠራ ከመይ ምዃኑ ብመጠኑ የርኢ። 



ሰይጣን ሓጢኣት ቅድሚ ምፍጻምካ፡ ነቲ ሓጢኣት ኣቕሊልካ መታን ክትርእዮ ብዙሕ የተባብዓካ። "ኣብዚ እዋን እዚ ኸ ድንግልና ዝበሃል ኣሎ ድዩ? ክስቶ'ኳ ቐሺ/ዲያቆን/ቆራቢ ኽነሱ ዘይተኸልከለስ ንስኻ ክትክልከል?" እናበለ ንሕልናኻ ብብዙሕ ሕቶ የዋጥሮ።ሕሉፍ ሓሊፍዎ "ዘይ መንእሰይ ኴንካ ኢኻ ከምዚ ቃሕ ዝብለካ ዘሎ! ካብ ድሌትካ ኣይትትረፍ! ዘይክትሳሕ ኢኻ! እንታይ ተሪፉካ'ሞ ክሳዕ'ዚ ካብ በጻሕካ ምንሳሕ ምንሳሑ ብምልኣት ውዓሎ!" እናበለ ደጋፊኻ መሲሉ ይመኽረካ። 



ኣብ ሓጢኣት ብዝወደቕካሉ ቕጽበት ግና ደፋፊኡ ከምዘየጽደፈካ "ከመይ ንእግዚአብሄር ክንድዚ ትደፋፈሮ? ኣብ ሓጢኣት ሓዲርካስ ናብ ቤቱ? ዘይበዓል ንስኻ መን ንቤቱ ኣርከሶ? ካብዚ ሓጢኣት ከተምልጥ ኣይትሕሰብ! ክንደይ ግዜ ዘይተነሳሕካ! ኦሮማይ ናይዚ ሓጢኣት ውሉፍ ዄንካ ኢኻ!" እናበለ ይኸሰካ። ነዚ ምስ ሰዓርካዮ ጸኒሑ "ምናሳሕካ ዘይተርፈካ ደጋግሞ! ሕጂ ኸ ነበንስሓካ እንታይ ኢልካ ኢኻ ክትነግሮ?" ኢሉ ይወቕሰካ። ሕሉፍ ድፍረቱ ተነሲሕካ ጸሎት ምስ ጀመርካ'ኳ ነቲ ሓጢኣትካ ኣብ ርእስኻ ይመላልሰልካ'ሞ፡ "ኣነስ እናጸለኹ ከምዚ እሓስብ!" ኢልካ ነፍስኻ ኣዚኻ ክትጸልእ ይገብረካ። 



ኣብ እግዚኣብሔር ግና እዚ በንጻሩ'ዩ፥ ብሓጢኣት 

ቅድሚ ምውዳቕካ "ኸምቲ ሰማያዊ ኣቦኻ ፍጹም ዝኾነ፥ ንስኻ’ውን ፍጹም ኩን!¹ ቅንዕና ንምግባር ተበራበር! ኃጢኣት ኣይትግበር!² እቶም ኃጥኣን ኸምቲ ኺሃድእ ዘይክእል፥ ማያቱ ጭቃን ርስሓትን ዜውፅእ ዚናወጽ ባሕሪ'ዮም! ኃጥኣን ሰላም የብሎምን!³ ሓጥኣን ናብ ናይ ዘለዓለም ቅጽዓት ኪኸዱ'ዮም!⁴" እናበለ ብሕልናኻ ክኸሰካ ይጸንሕ'ሞ፡ ኣብ ሓጢኣት ምስ ወደቕካ ግና "ንዓኻ ናብ ንስሓ እምበር ንጻድቃን ክጽውዕ ኣይመጻእኩን!⁵ ኣታ ጾር ዝኸበደካ ኣነ ኸዕርፈካ ናባይ ንዓ!⁶ ንገበንካ ኸም ደመና፥ ንኃጢኣትካውን ከም ግመ ኣጥፊአዮ'የ። ኣነ'የ ዝብጀወካ'ሞ፥ ናባይ ተመለስ!⁷ " እናበለ 'ምጻኒ! ናተይ ኵን!' ብዘስምዕ ቃና ወገንካ ኮይኑ ይምጒተካ። 


ፍቑራተይ ድሕሪ ብዙሕ ጒያ ሓጢኣት ክልተ ጎፍ ዝብሉና ኣካላት ኣለዉ፥ ሰይጣን ምስ ክስታቱ፡ እግዚአብሔር ምስ ምሕረቱ። ሰይጣን "እዚ ናተይ'ዩ!" ይብል፥ እግዚአብሔር ድማ "ብደመይ ዝገዛእክዎ ናተይ እባ!" ይብል። ንመኖም ንስማዕ!? 


ንእግዚአብሔር'ዶ ንስምዓዮ! 

1. ማቴ 5፡48 

2. 1 ቆሮ 15፡34

3. ኢሳ 57፡20-21 

4. ማቴ 25፡46 

5. ሉቃስ 5፡32

6. ማቴ 11፡28

7. ኢሳ 44፡22


ንዝቅጽል ንምክትታል ኣብዚ Follow,Like ግበሩ

https://sonstmichael.blogspot.com/2022/09/blog-post_8.html

Please to grow our pages share, like, Follow and subscribe

https://sonstmichael.blogspot.com/2022/09/blog-post_8.html

 ሳብስክራይብ ብምግባር ቤተሰብ ንኩን ኩልና https://youtu.be/FIkzATbCA5Y

https://instagram.com/son_st_michael?igshid=ZDc4ODBmNjlmNQ==



ወስብሃት ለእግዚአብሔር ወለወላዲቱ ድንግል ወለመስቀሉ ክቡር ኣሜን!                 


Comments

Post a Comment

ሚካኤል St.Michael

ሊቀ መላእክት ቅዱስ ሚካኤል

Image
  ሊቀ መላእክት ቅዱስ ሚካኤል በስመ   አብ   ወወልድ   ወመንፈስ   ቅዱስ   አሃዱ   አምላክ   አሜን ! እንቋዕ   ናብ   ናይ   ሊቀ   መላእክት   ቅዱስ   ሚካኤል   ዓመታዊ   ክብረ   በዓል   ኣብጸሓና ! ምስባክ ይትዐየን   መልአከ   እግዚአብሔር   ዐውዶሙ   ለእለ   ይፈርህዎ   ወያድኅኖም ጣዕሙ   ወታእምሩ   ከመኄር   እግዚ   አብሔር።   መዝ . 33 (34)7-8 ፣ ኤፊ .1 ፣ 13- ፍጻሜ።   ይ ሁዳ .1 ፣ 9-14 ።   ግ . ሓዋ .1 ፣ 10-12 ።   ማቴ . 25 ፣ 14-31 ። ቅዱስ   ሚካኤል ቅዱስ   ሚካኤል  <<  መን   ከም   እግዚአብሔር   ከም   እግዚአብሔር   ማንም   የለን።  >>  ማለት   እዩ።    ከም   እግዚአብሔር   ዝኣመሰለ   ቅዱስ፣   ንጹሕ፣   ርኅሩህ፣   ኃያል፣   ረቂቅ   መን   ኣሎ   መልሱ   ማንም   እዩ።   ቅዱስ   ሚካኤል   ናይ   ስሙ   መግለጺ   ዝዀኑ   ተወሰኽቲ    ኣስማት   ኣለው።   እዚኦም   ካብ   እግዚአብሔር   ዝተዋህብዎ   ንኽብሩ   ዝገልጹ ...
Read more

ጴጥሮስ ወ ጳውሎስ

Image
  በስመ አብ ወወልድ ወመንፈስ ቅዱስ አሐዱ አምላክ አሜን ። ብርሃናተ ዓለም ጴጥሮስ ወጳውሎስ በዓለ ዕረፍቲ ሓምለ 5 ኣብዚ ዕለት ናይ ዝኸበሩ ቅዱሳን ኣቦታትና ሓዋርያት ናይ ቅዱስ ጴጥሮስን ቅዱስ ጳውሎስን ዝክረ ሰማእትነቶም እዩ። ቅዱስ ጴጥሮስ    ወዲ ዮና ስምዖን ቅዱስ ጴጥሮስ ዝተባህለ ኣብ ቤተ ሳይዳ ዓሳ ብምግፋፍ ዝዓበየ ኢየሱስ ክርስቶስ ወዲ መዝሙሩ ኪኸውን ጸዊዑ ካብ ስምዖን ( ሻምብቆ) ናብ ጴጥሮስ ( ከውሒ መሰረት) ብምባል ሽም ዝቀየረሉ ርእሲ ሓዋርያት እዩ። ቅዱስ ጴጥሮስ በዓል ሓዳር ኮይኑ ኣብ መበል 56 ዓመቱ እዩ ንኢየሱስ ክርስቶስ ሲዒብዎ። ብዕድሚኡ ብቅንኣቱ ብምስትውዓሉ መሠረት ቤተ ክርስትያን ተባሂሉ እዩ። ማቴ. 16’17። ዮሓ.21፣ 15 ። ቅዱስ ጴጥሮስ ሓዊ እንድርያስ እዩ። ጐይትና መድኃኒና ኢየሱስ ክርስቶስ ኣብ ዝተታሕዘሉ ለይቲ ንዝበደሎ በደል ንስሓ ኣቲዩ ሽዑ ብምምላሱ አብነት ኮይኑ እዩ። ንብዓት ቅዱስ ጴጥሮስ ሃበኒ ከምዝበል። ብመሪር ንብዓት ብንስሓ ዝተመልሰ ኣቦ እዩ። ቅዱስ ጴጥሮስ ጕስነቱ ኣኽቢሩ ሓልዩ ንሓዋርያት ንበዓለ ሃምሳመንፈስ ቅዱስ ክቅበል ኣብቂዑ ። ድሕሪ ኡ ከኣ ሃሃገረ ስብከቶም ሂቡ ከፋፊልዎም እዩ። ብብርሃኑ ብርሃን ብጨውነቱ መቀረት፣ ብመድሃኒቱ ምፍዋስ ዝሃቦም ቅዱስ ሊቀ ሓዋርያት ቅዱስ ጴጥሮስ ኣይሁድ ቁልቁል ክሰቅልዎ ኣብ ሮማ ኣጋፍዕዎ። ቅዱስ ጴጥሮስ ግና ብትምህርቱ ብርሃን ጸልማት ገፈፈሎም፣ ብመድኀኒተ እምነቱ ንሙታን ኣተንሢሎም ፣ ጎባጣት ኣቅኒዕሎም ፣ ሓንካሳት ፈዊስሎም፣ ክፋእ ጸላኢ ዲያብሎስ ኣባሪርሎም ከሎ ኣይሁድ ካብ ፈታዊኦም ቅዱስ ጴጥሮስ ንላዕሊ ምስ ጸላእቶም ሮማውያን ብምሕባር ካብ ፈታዊኦም ክርስቶስ ንላዕሊ ምስ ጸላኢኦም ዲያብሎስ ሓቢሮም ንቅዱስ ጴጥሮስ...
Read more

ታሪኽ ገዳም ደብረ ሲና

Image
  እንቋዕ ናብ በዓለ እግዝእትነ ማርያም ኣብጽሓና። በስመ አብ ወወልድ ወመንፈስ ቅዱስ አሃዱ አምላክ አሜን። ታሪኽ ገዳም ደብረ ሲና ገዳም ፣- ማለት ገደመ ፣ ዱር ጫካ በረኻ ኮነ ካብ ዝብል ናይ ግእዝ ግሢ (ቃል) ዝወፀ ናይ'ቲ ግሢ ዘርኢ እዩ። እምበአር ገዳም ጸጥታ (ጽምዋ) ዝበዝሖ ። ብብዙሕ ዝተፈላለዩ ዓበይትን ንአሽቱን ኣግራብ ዝተሸፈነን ዝወቀበን። ብዙሓት ዓበይትን ንአሽቱን አራዊትን (እንስሳ ዘገዳም) ዝተፈላለዩ አዕዋፍን ዝርከብዎ አብ ተፈላለዩ ናይ ዓለምና ቦታታት ዝርከብ እዩ። እምበአር ሓንቲ ካብ ገዳማት ሃገርና እታ ጥንታዊትን መሠረታዊትን ገዳም ደብረሲና እያ። እታ ካብ በዓቲ ብኢድ ኣምላኽ ዝተሓንፀት ገዳም ደብረ ሲና አብ ሰሜን ኤርትራ ዞባ ዓንሰባ ንኡስ ዞባ ዒላበርዕድ ከባቢ መንሳዕ ዝርከብ ጥንታውን ታሪኻውን ገዳም ኮይኑ፡ ካብ ዕላበርዕድ ንየማን ብእግሪ ክልተ(2) ሰዓት ምስ ተጓዓዝካ ይርከብ። እዚ ገዳም'ዚ ብስም ቅድስት ድንግል ማርያም ዝፅዋዕ /ዝስመ/ ክኸውን ከሎ ኣብ ዓመት ክልተ ጊዜ ይኽበር። 1ይ 21 ግንቦት 2ይ ድማ 21 ሰነ ኢዩ። ብሕልፊ በዓለ ማርያም ሰነ ብዓቢ ድምቀት ኢዩ ዝብዐል። አብዚ ክልተ ዓበይቲ በዓላት ብዙኃት አመንቲ ውላድ ዝሰአናን ብናብራ ዓለም ዝተሸገሩን ብበዓይነቱ ሕማም ዝሣቐዩን ናይ ሕሊና ጸሎትን መብጽዓን ይገብሩ'ሞ ድልየቶም  ስለዝፍጸመሎም እቶም አመንቲ ካብ ዓመት ናብ ዓመት ይበዝኁን ይውሰኹን። ገዳም ደብረ ሲና ካብ ጥንቲ ካብ ዘመን ብሉይ ኪዳን ጀሚሩ ሥነ-ሥርዓት አምልኾ ዝፍጸመሉ ከም ዝነበረ ታሪኽ ይሕብር። በዚ መሠረት ተታሓሒዙ ዝመጸአ ሃይማኖታዊ ልምድን ሥርዓትን ስለ ዝጸንሖ ብ332 ዓ.ም. አባ ሰላማ ብማርሳ /መርሳ/ ተኽላይ አቢሎም ናብ ሃገርና ብፍላይ ናብ ገዳም ደብረ ሲና አትዮም ንአር...
Read more