ሰሙነ ሕማማት ፥- ሰኑይ                 " ፍረ ዘይብላ በለስ"       " ንግሆ ናብ ከተማ ኺምለስ ከሎ ጠመየ። ኣብ ጥቓ መገዲ ሓንቲ ኦም በለስ ርእዩ ናብኣ ከደ፥ እንተኾነ ቆጽሊ ጥራይ እምበር ሓንቲ ፍረ ስለ ዘይረኸበላ ' ደጊም ካባኺ ንሓዋሩ ፍረ ኣይረኸብ' በላ፥ እታ ኦም በለስ ከኣ ሽዑንሽዑ ነቐጽት። ደቂ መዛሙርቱ ድማ ርእዮም ' እዛ ኦም በለስ ከመይ ኢላ ብኡ ብኡ ነቐጽት' እና በሉ ተገረሙ። ኢየሱስ ከኣ ' ብሓቂ እብለኩም ኣለኹ፥ እምነት እንተ ኣልያትኩም እሞ እንተ ዘይተጠራጢርኩም እዛ ኦም በለስ ከም ዝኾነቶ ጥራይ ኣይኮነን እትገብሩ፥ ነዚ እምባ እዚውን 'ተለዓል፥ ናብ ባሕሪ ተወርወር'  እንተበልኩምዎ ክኾነልኩም እዩ። ኣሚንኩም ብጸሎት ዝለመንኩምዎ ዘበለ ኹሉ ነገርውን ክትቅበሉ ኢኹም' እናበለ መለሰሎም።" ማቴ 21፥ 18- 22        እዚ ኣብ ላዕሊ ተጠቒሱ ዘሎ ክፍሊ መጽሓፍ ቅዱስ፥ ጎይታናን መድሓኒናን ኢየሱስ ክርስቶስ ጽባሕ ዕለተ ሆሣዕና ናብ ኢየሩሳሌም ኣብ ዝምለሰሉ ዝነበረ ጊዜ ዝተዛረቦ ቃል እዩ። ኣብዚ ሓይለ ቃል 2 ግን ከኣ ዝተኣሳሰራ ቀንዲ ነጥብታት ኣለዋ።  1፡- ርግመተ በለስ    ጎይታ ምስ ጠመየ ፍረ ደልዩ ናብታ ኣብ ወሰን መገዲ ዝነበረት ኦም በለስ ኣልገሰ እንተኾነ ግን ፍረ ኣይረኸበን፥ ነታ በለስ ውን ረገማ በኡብኡውን ነቐጽት። ኣብዚ ክምለስ ዘለዎ ሕቶ፥ ጎይታ ፍረ ዘለዋን ዘይብላን ምዃና ከይከደ ይፈልጥን ድዩ? ዝብል እዩ። እቲ መልሲ ሓጺር እዩ፥ ኣምላክ ስለዝኾነ ይትረፍ ፍረበለስ ብግሁድ ዝረአ፥ ናይ ደቂ ሰባት ሓሳብ ልቦምን  ምሕላንን...

  በስመ ኣብ ወወልድ ወመንፈስ ቅዱስ ኣኃዱ ኣምላክ ኣሜን ። " ፈጣሪ ዝጾረት ኣድጊ" ኣድጊ ስማ ጸርፊ ኮይኑ ካብ ዝጸነሐት እንስሳ እያ።   ኣብ ኩሉ ትርከብ ኣድጊ ናይ ሂወት ታሪኻ ዝበዝሐ ተመሳሳሊ እዩ።ኣብ ዝበዝሐ ሃገራት ኣድጊ ከቢድ ሰኸም ክትስከም ትውዕል፥ደኺማ ክትዕርፍ ክትደሊ ኣብራኻ ክትዓጽፍ ከላ እኳ በበትሪ  እንበር "እስኪ የዕርፊ" ዝብላ የለን፥ሕቛኣ ብሰኸም ብዝሒ ዝቆሰለ፥ኣእግራ ብጽዕነት ብዝሒ ዝተቀራረፈ፥በትሪ ዝመረራ ፥ዕረፍቲ እትናፍቅ እንስሳ እያ። እዛ ዝተዋረደት እንስሳ ኣብ ኩሩቤል ንዝቕመጥ ሰማያዊ ንጉስ ክርስቶስ በትሕትና ዝፋኑ ገበራ። በትሪ ዝለመደት፥ዕረፍቲ ዝናፈቃ ሰኸም ዝብዝሓ ነዛ ምስኪን ኣድጊ፥ "ኣርዑተይ ልዙብ ስከመይ ቀሊል" ዝበል ንጉስ ተወጠሓ። ዝበዝሑ ነገስታት ኣብ ዝበለጸ ስረገላ ኮይኖም፥በሰራዊት  ተዓጂቦም፥ነጋሪት እንሃረሙ፣መለኸት እናነፍሑ፣ሰይፊ ብዝዓጠቁ ወታሃደራት እናተሓለዉ ከም ዝኸዱ፣ መድሃኔ ዓለም ክርስቶስ ግን ናብ ኢየሩሳሌም በኣድጊ ተጻዒኑ፥ ብገፈፍቲ ዓሳ ተከቢቡ፥ብህጻናት ዝማሬ፥በስየ ምንጻፍ ተዓጂቡ ኣተወ። ፈሪሖም ዘይኮኑ ፈትዮሞ ንዝዝመርሉ ንጉስ፣ክዳዋንቶም ነዊሕዎም ንዝረግጽዎ ዘይኮነ፥ልብሶም ኣውጺኦም እንካ ረጊጽካዮ ሕለፍ ንዝብሉዎ ንጉስ፥ብንእሽቶይ ሰረገላ ዝልካዕ ዘይኮነ"በኣድጊ እንተተወጣሕኩ'ውን እኹል እዩ" ዝብል ንጉስ ናብ ኢየሩሳሌም ኣተወ። "ኣፍደጌታት ጽዮን ደስ ይበልኪ፥ ንጉስኪ ለዋህ ኮይኑ በኣድጊ በገልገል ተወጢሑ ናባኺ ይመጽእ" ዝተባሃለላ ኢየሩሳሌም ክንደይ ዝተዓደለት እያ፧ "ለዋህን ትሑትን ንጉስ"ዘለዋ ሃገር ከተማኣ እናራኣየ ዝበኽየላ፣ ሕያውነቱ ክሽፍኑ ንዝፍትኑ ሰባት ሰለ እሱ ኣይትዛራቡ እንተ...

  በስመ ኣብ ወወልድ ወመንፈስ ቅዱስ ኣኃዱ ኣምላክ ኣሜን። ናይ መጀመርያ ትዕቢት ...(ሲራ 10፡12) ሳጥናኤል ካብ ዚቐደመ ክብሩ ተዋሪዱ ዲያብሎስ ዚኾነ “እዚ ህዝቢ (ንቅዱሳን መላእኽቲ ማለት እዩ) ፈጣሪኡ ስኢኑ ተጨኒቑ ኣሎ፡ስለ'ዚ ኣነ ፈጢረኩም ብምባል ፈጣርነት ኣብ ኢደይ ኪሕዝ”ኢሉ ብምዕባ'ዩ እዩ።  ዲያብሎስ ዲያብሎስ ዚኾነ ኣቐዲሙ ዲያብሎስ ኮይኑ ሰለ ዚተፈጠረ ኣይኮነን፡ ቅድሚ ብትዕቢት ምውዳቑ ናይ ዓሠርተ ነገድ ናይ ኣጋእዝት ሓለቓ ንኡድ ክቡር መልኣኽ ነበረ፡፡ካብ'ቲ ክብሩን ሽመቱን ዘውረዶ ትዕቢት እዩ፡ ሃልሃልትኡ ናብ ዘይጠፍእ ሓሰኻኡ ድማ ናብ ዘይድቅስ ሓዊ ዚደርበዮ ትዕቢቱ እዩ። ናብ ዘለዓለማዊ ሓሳር ዚደርበዮ ትዕቢቱ እዩ፡ ዚተፈተኹም ኣሕዋተይ!  ትዕቢት ንዚነበረና ሰናይ ምግባር ዘማህምንን ዚቐትልን ክፉእ ሕማም እዩ። ወንጌላዊ ሉቃስ“እቲ ኣብ ቅድሚ ሰብ ዚኸበረ፡ኣብ እግዚኣብሔር ግና ዚተዋረደ እዩ”ከም ዚብለና (ሉቃ 16፡15) ውሸጥና ብትዕቢት ዚተመልአ እንከሎ፡ብደገ ግን እንተመጽወትናን እንተጸለናን ምጽዋትናን ጸሎትናን ርኹስ መሥዋዕቲ እዩ።  ትዕቢት እንተድኣ ኣሎና ውሸጥና ንጽህና የብሉን። ስለ'ዚ ንሰብ ንጽህናኡ ከም ዘጥፍእ ዚገብሮ ዝሙት ወይ ከኣ ምንዝርና ጥራሕ ዘይኮነስ እንኮላይ ትዕቢት እዩ።አረ ካብ ዝሙትን ምንዝርናን ንላዕሊ ንዓና ዘርስሓናስ ትዕቢት እዩ። ብኸመይ?ትብለኒ እንተዄንካ፡ዋላ ሓደ እኳ ዝሙት ንስሓ እንተዘይኣቲኻሉ ሥርየተ ኃጢአት ዘይብሉ እንተኾነ፡ብዝሙት ዝረስሐ ሰብ ንስሓ ንምእታው ቀረባ እዩ።  ብትዕቢት ዚሓመመ ሰብ ግን ከምዚ ናይ ዘማዊ ዚበለ ዓቕሚ ኣይረክብን እዩ። ስለ'ዚ ትዕቢት ኣዝዩ ሓደገኛ ዚኾነ ሕማም ነፍሲ እዩ እናበልኩ እነግረካ ኣለኹ። ካብ ትዕቢተኛ ሰብ ንላዕሊ ዝኃሰረ ...

በስመ ኣብ ወወልድ ወመንፈስ ቅዱስ ኣኃዱ ኣምላክ ኣሜን። ቤት ኣምላኽና ከቶ ኣይንኃድግን ኢና   (ነህ ፲፥፴፱/10፥39 ) እስራኤላውያን ብመሪሕነት ካህን ዕዝራን ነህምያን ዝፈረሰ ቤተ መቅደስን: ዝዓነወ ቐጽሪ ኢየሩሳሌምን መቓብር ኣቦታቶምን ዝሕነፅ ሓኒፆም: ዝሕደስ ኣሐዲሶም ምስ ዛዘሙ ኣብ ቤተ መቕደስ: ኣብ ኢየሩሳሌም ቃሉ እናሰምዑን ፍቓዱ እናፈጸሙን ንኽነብሩ ቃል ኪዳን ዝኾኖም፦ “ቤት ኣምላኽና ከቶ ኣይንኃድግን ኢና” በሉ (ነህ ፲፥፴፱/10፥39) ምኽንያቱ ንኣገልግሎት ቤት ኣምላኽ ዝተግህን ኣብኣ ንክነብር ዝብህግን ኃይሊ ረኺቡ ንጸላእቱ ከምዝስዕር ብግህዶ ስለዝተዓዘቡ እዩ። ግዳማዊ ጸላእቲ ዘይኮኑስ ካብ ውሽጦም ዝነዝዑ ተፃረርቲ ብዙኅ ተፃቢኦሞም ነይሮም እዮም።  ካብ መንጎኦም ብምንባሮም ከቢድ ፈተነ ነበረ። “እቲ ዝጸርፈኒ ዘሎ ጸላእየይ እንተ ዝኸውን ምተዓገስክዎ: እቲ ዚዕበየለይ ዘሎ ጸላእየይ እንተዚኸውን ካብኡ ምተሓባእኩ ሕጂ ግና እዚ እትገብር ዘሎኻ ንስኻ መሰታይ ዓርከይ: ፈታውየይ ዝነበርካ ሰብኣይ ኢኻ። ኣነን ንስኻን መማኸርቲ ነበርና: ኣብ ቤት ኣምላኽ’ውን ብሓደ ዄንና ነምልኽ ነበርና። (መዝ ፶፬፥፲፪-፲፬/55፥12-14) ተረፈ ምርኮን ካብ ምርኮ ዝተመልሱን እስራኤላውያን ግና ኃይለ እግዚአብሔር ተዓጢቆም: “ኣምላኽ ሰማይ ኬቅንዓልና እዩ እሞ ንሕና ባሮት ተንሢእና ክንዓዪ ኢና: ንስኻትኩም ግና ኣብ ዛንታ ኢየሩሳሌም ክፍልን መሰልን የብልኩምን” (ነህ ፪፥፳/2፥20) ብምባል ዕዮኦም ኣስለጡን ንተፃረርቶም ኣኅፈሩን። ብተመሳሳሊ’ውን ኣብ ታሪኽ ቤተ ክርስቲያን ከምዝኅብሮ: ንቤተ ክርስቲያን ዘሳቐይዋን ዘድመይዋን ዘንብዕዋን ዝያዳ ዓመፅቲ ነገሥታትን ዓለማውያንን እቶም ኣብ ሕቍፋ ዝተሓፅኑ ናታ ሓሊብ ሕይወት ተመጊቦም ዝዓበዩ እሞ ደኃር ተፃ...

 በስመአብ ወወልድ ወመንፈስ ቅዱስ ኣኃዱ አምላክ አሜን!!! ጥንተ ስቅለት ጐይታናን መድኃኒናን ኢየሱስ ክርስቶስ            ፳፯/27 መጋቢት ስቕለት ሥጋኡ ናብ ሕብስቲ፡ ደሙ ድማ ናብ ወይኒ ባሪኹን ለዊጡን ንደቂ መዛሙርቱ ክህቦም ከሎ ኣክሮስና ሰበይቲ ስምኦን ለምጻም ደርሆ ሰሪሓ መግቢ ኣቕረበትሉ። ጐይታ ዝተዛረቦ ከይተፈጸመ ስለ ዘይተርፍ ሕብስቲ ቆሪሱ ብጸብሒ ጠሚዑ ንይሁዳ ሃቦ፡ ሰይጣን ምስታ ሕብስቲ ተወሃሂዱ ልቢ ይሁዳ ብቕንኣት ከም ዝነድድ ገበሮ። ሥጋኡን ደሙን ምቕባል ንሰይጣን የርሕቕ እምበር ከመይ ኢሉ ሰይጣን ተዋሃሂዱ ክንብል ንኽእል ኢና። ሰብ ከይነጽሀ ከይተነስሐ ሥግኡን ደሙን ዝቕበል ልክዕ ከም ይሁዳ ፍርዱ ኣብ ነፍሱ እያ። “ከይተገብኦ እንጌራ ጐይታ ዝበልዕ ወይስ ጽዋዕ ጐይታ ዝሰቲ ኣብ ናይ ጐይታ ሥጋን ደሙን እዩ ዝዕግብ” (1ይ ቆሮ 11፡27)። ንይሁዳ ኪድ ዝሓሰብካዮ ግበር በሎ። ወጺኡ ምስ ከደ ጐይታ ነቲ ደርሆ ብቓሉ ተዛሪቡ ብኢዱ ዳህሲሱ ህያው ገበሮ “ንይሁዳ ተኸታቲልካ ኣብ ዝኣተዋ ኣቲኻ ዝገበሮ ተዓዚብካ ዝተዛረቦ ሰሚዕካ ንደቂ መዛሙርተይ ንገሮም” ኢሉ ኣዘዞ። እቲ ደርሆ ከኣ በሪሩ ብምኻድ ናብ ገዝኡ ኣትዩ ምስ ሰበይቱ ደቂሱ እንከሎ ንጐይታ ብገንዘብ ኣሕሊፉ ከም ዝህቦ ክመክር ከሎ ሰምዖ፡ ብምቕጻል ምስ ኣይሁድ “ኣነ ኣሕሊፈ ክህበኩም ንስኹም ከ እንታይ ትህቡኒ፧”  ክብሎም ከሎ፡ ንሳቶም ድማ 30 ቅርሺ ክህብዎ ከለዉ፡ ስዒሙ ከምዘረክቦም ክመክር ከሎ ርእዩን ሰሚዑን ናብ ገዛ ተመልሰ። ኣብ ገዛ ድማ ኣምሪሩ ክበኪ ጀመረ። ጐይታ ከኣ “ዝረኣኻዮን ዝሰማዕካዮን ንገረና” ኢሉ ኣዘዞ። እቲ ደርሆ ድማ “ይሁዳ ኣሕሊፉ ክህበካ ብ30 ቅርሺ ተሰማሚዑ ኣሎ፡ ኣይሁድ ድማ ክሕዙኻ ኩናት፡ ...