ጥጥምቀተ ክርስቶስ

 በስመ አብ ወወልድ ወመንፈስ ቅዱስ አኃዱ አምላክ አሜንንን

            ጥምቀተ ክርስቶስ

 ጎይታ ቅድሚ ዓለም ብልቢ ዝመኽሮን ብነብያት ዝተዛረቦን ትንቢት ንምፍጻም ፣ ዓለምንምድሓን ፣  ካብ ቅድስት ድንግል ማርያም ተወልደ ተወሊዱ ኸኣ ሕጊ ጠባይዓዊን ፣ ሕጊ መጽሐፋዊን፣ አናፈጸመ ዓበየ ። ነዲኡን ነዝማዱን አናተኣዘዘ በብንአሽቶ ዓበየ ፡(መቅ. ወንጌል) ባሕርያዊ ሕጊ በብንአሽቶ ምዕባይ አዩ፡ ሕጊ መጽሐፋዊ ከኣ   ሕገ ኦሪት ምፍጻም አዩ ጎይታ ሕጊ ነቶም ኣብ ትሕቲ ሕጊ ዝነብሩ  ንምብጃው ሕጊ ፈጸመ ከም ዝበለ ።(ገላ.4:4) 

ናይ ኦሪት ሕጊምፍጻም ካኣ አዚ አዩ ፥ ኣብ ሻሙናይ መዓልቲ ቤት ግዝረት መአታው ፥ ኣብ   ኣርባዓ መዓልቲ ዉን ፥ አጉለ ርግብን ዘውገ ማዕነቅን ኂዝካ ናብ ቤተ መቕደስ  ንምብራኽ ም አታው ፥ ኣብ ዓመት ሰለስተ ግዜ በዓል ንምኽባር አየሩሳሌም ምኻድ አዩ ፥(ሉቃ 2:21-24)ከምዚ ኢሉ አናዓበየ  ወዲ ሰላሳ ዓመት ምስ መልአ ብዘመነ ሉቃስ ዓሰርተ ሓደ ጥሪ ሰሉስ መዓልቲ በኢድ ዮሐንስ ንምጥማቅናብ ሩባ ዮርዳኖስ ከይዱ ፣ 

ንዮሐንስ ኣጠምቐኒ በሎ፣ ዮሐንስ ግን ኣነ ባርያኻ በኢድካ አየ ኽጥመቕ   ዘለኒ አምበር  ንስኻ ጎይታይስ  በኢደይ ኽትጥመቕ ሲ አዚ ግቡአ ኣይኮነን፣ ግቡአስ ኣነ ናባኻ ክመጽአ አየ ዘሎኒ አምበር ፣ ንስኻ ናብ ባርያኻ ናባይ ክትመጽአ ኣይግባአን፣ ብማለት  ኣይከውንን አዩ ኣበዮ።

  ጎይታ ግን ኣዓና ንስላሴ ሓድነትናን ሰለስትነትናን ዝግለጸሉ ደስታና አዩ አሞ ሓደ ግዜስ ግደፍ ደኣ በሎ ፣ ድህሪ አዚ ተተሓሒዞም  ናብ ሩባ ወሪዱ ሽዑ ግዜ ብስም ኣብ ከየጥምቀካ ኣብ ኣባኻ ህልዊ አዩ ፥  ብስም መንፈስቅዱስ ከየጥምቐካ መንፈስ ቅዱስ ኣባኻ ህልዊ አዩ ፥

 ብስም ወልድ ከየጥምቐካ ወልድ ንስኻ ኢኻ፥ ብናይ መን ስም ደኣ አሞ ከጥምቐካ አየ፥ ከም ሽመት መልከ ጼዴቅ ንስኻ  ነዘልኣለም   ካህን፥ ወዲ ቡሩኽ ገላጺ ብርሃን ይቕረ በለልና ኢልካ ኣጥምቐኒ በሎ ፥ ኢዱ ኣየቐመጠሉን ዘርጊሑ ኢዱ ጠጠው ብዝበለ 'ወፈልሑ ማያት ከመ ዘሞቁ'፣ ማያት ከም ዝፈልሑ ሞቑ ፡  ማይ አና ተመላለሰ  ሰለስተ ጊዜ ሐጺብዎ ወረደ።

 ጎይታ ስለምንታይ ተጠምቐ፥ አንተ ተባህለ ንስኻትኩም ከኣ ከማይ አንተ ተጠመቕኩም ዉሉድነት ትረኽቡ ማለት ብረድኤት መንፈስ ቅዱስ ብጸጋ ደቂ ስላሴ ትኾኑ ንምባል አዩ፡  ነዓና ካብ ኃጢኣት ዘንጽሕ ዉሉድነት ንኽህበና አምበር ንጎይታስ ጥምቀት ዘድልዮ ኣይነበረን ከም ዝበለ። 

ሕራይ አዚስ ይኹን ብዙሓት ሩባታት ከለዉ ኸ ኣብ ዮርዳኖስ ዝተጠምቐ ስለምንታይ አዩ፥ አንተ   ተባህለ ትንቢቱን ምሳሌኡን ንምፍጻም አዩ፥ ትንቢት ማለት ባሕሪ ርአያ ሃደመት ፥ ፈለግ ዮርዳኖስ ከኣ ንድሕሪት ተመልሰ።(መዝ.114:3-4)ምሳሌኡ ድማ ኣብርሃም ዮርዳኖስ ተሳጊሩ ምስ መልከ ጼዴቅ  ምስ ተራኸበ ምልከ ጼዴቅ ኅብስተ ኣኰቴትን ጽዋዓ በረከትን ሃቦ ይብል፥  ኣብርሃም ናይ መአመናን ምሳሌ፥ መልከ ጼዴቅ ናይ ካህናት ምሳሌ፥ ኀብስተ ኣኰቴት ጽዋዓ በረከት ናይ ስጋኡን ደሙን ምሳሌ ፥   ዮርዳኖስ ድማ ናይጥምቐት ምሳሌ አዩ።(ዕብ.7:1-8)ምሳሌኡ ብዙሕ አዩ፥ ንመረድኢ አዚ የአክል።

 ትንቢቱስ ንሱ ብዝፈለጦ ኣናጊርዎ፥ ምሳሌኡ ዉን ንሱ ብዝፈልጦ መሲልዎ ኣሎ፥ ምስጢሩ አንታይ አዩ  አንተ ተባህለ። ን ኣዳምን ሔዋንን ካብ ገነት ድኀሪ ምዉጻኦም  ኣብ ስነ ፍጥረት ከምዝተመልከትናዮ ዲያብሎስ መግዛአቲ ኣጽኒዕሎም ነበረ አሞ አዚ መግዛአቲ ከቕልለልኩምሲ ናይ ተገዛአነትኩም ስም   ጽሒፍኩም ሃቡኒ በሎም አሞ ንሳቶም ከኣ ኣዳም ባርያ(ግዙአ)ዲያብሎስ፥ ሔዋን ባርያ(ግዝአቲ) ዲያብሎስ ኢሎም ጽሒፎም ሃብዎ  ጽሒፎምስ ኣይሃብዎን ይኹነና ሕራይ ማለቶም ደኣ አዩ፥ 

ንሱ ግን  ኣብክልተ አምነ በረድ ጽሒፉ ሓደ ኣብ ሲኦል፥ አቲ ሓደ ከኣ ኣብ ሩባ ዮርዳኖስ ደቢቑዎ ነበረ አሞ፥ ነቲ ኣብ ዮርዳኖስ ዝነበረ ብሰዉነቱ ረጊጹ ብኣምላኽነቱ ኣምኪኹ ኣጥፍኣሎም፥ ነቲ ብሕገጋት ዝቃወመናን  ዝበኣሰናን ዝነበረ ብኢድ ጸላኢና ዝተጻሕፈ ዕዳና ደምሰሶ፥ኣብ መስቀል ሽንኪሩ' ዉን ካብ ማአከልና ኣርሓቖ ይብል።(ቈላ.2:14)መጽሓፈ ዕዳኦም ቀዲዱ ን ኣዳምን ሔዋንን ናጻ ኣውጽኦም ከም ዝበለ።  (ወዳ.ዘሰኑ) አቲ ኣብ ሲኦል ዝነበረ ከኣ ብመዓልቲ ዓርቢ ባካለ ነፍስ ሲኦል ወሪዱ ደምሰሰሎም።(1ጴጥ.3:19)      

ሠለስተ መወድሳት ቅኔያት ምስ ትርጉመን ናባኹም ከብል ። 

              ፩.መወድስ

   "ነዳዲ እሳት ከመ ይማስን 

በቈሪር ማይ ሕገ ተፈጥሮ ይነግረነ።

ወከመ በማይ ይማስን ነደ ዕፀ ጳጦስ  ዘረስነ።

ሕገ ዮርዳኖስ ኢነገረነ( በሕገ ዮርዳኖስ ኢተጽሕፈ) 

እስመ ነድ በማዕከለ ባሕር ይነድድ ፍጡነ።

እንበለ ማየ ዳኖስ ያማስኖ

እስከ ያፈልሆ እሳት ለማየ ዮርዳኖስ ዘተጸወነ። 

     " ለዓለም"

ዮሐንስሂ ዘርኢከ በባሕረ ዮርዳኖስ ዘኮነ።

እምጥንት እስከ ፍጻሜ 

   ዜንወነ ወንግረነ።

ዘ ምስጢረ ዘተፈጸመ  እሙነ።

እስመ ዓይነ ሥጋነ ኢነጸረ 

   እንበለ ዳዕሙ ዓይነ ልብነ። 

 ትርጉም፦ዝነድድ ሓዊ ብቖሪር ማይ ከም ዝጠፍእ ናይ ተፈጥሮ ሕጊ ይነግረና እዩ።ዝረሰነ ናይ ጳጦስ ሓዊ ግን ብማይ ከም ዝጠፍእ ናይ ዮርዳኖስ ሕጊ ኣይነገረናን።

ምክንያቱ፦ ናይ ዮርዳኖስ ማይ ከየጥፍኦ ፣እቲ ሓዊ ነቲ ማይ  ክሳዕ ዘፍልሖ እቲ ሓዊ አብ ማእኸል ባሕሪ ይነድድ ኣሎ እሞ። ዮሐንስ ድማ ብዮርዳኖስ ዝኾነ ነገር ካብ መጀመርታ ክስዕ መወዳእታ ንገረና ብሓቂ እቲ ዝተፈጸመ ምስጢር ናይ ነፍስና ዓይኒ እምበር ናይ ሥጋና ዓይኒ ኣይረአየን እሞ።

        ብሓጺሩ

  ንስሙ፦ከም ዝፍለጥ ሓዊ ብማይ እዩ  ዝጠፍእ ማይ ብሓዊ እዩ ዝፈልሕ ። ንወርቁ ድማ  ካብ እቲ ተፈጥሮአዊ መርገም ብዝተፈለየ መልክዑ  ነደ እሳት ዝተብሃለ ክርስቶስ ኣብ ማእኸል ባሕሪ ብዮሐንስ ኢድ ምጥማቑ ፣ማያት እውን ምፍልሖም እዩ ዘረድአና።

       ፪.መወድስ

ተምዑ አብ ወመንፈስ ቅዱስ 

ምሥጢረ ሠለስቱ ኢይጻእ ወይኢትነገር በቃሉ።

ዘምስለ ቢጾሙ ወልድ ዘቃለ መሐላ መሐሉ ።

          አድያመ ዮርዳኖሰ ከመ ዖደ

እስመ ወልድ ምስጢረ ሠለስቱ ከሠተ ለኩሉ።

ወበይነ ዘከሠተ ምስጢሮሙ ሌለይዎ ነግሀ

ከሣቴ ምስጢርነ እንዘ ይብሉ። 

         ለዓለም

ወነገረ ሕጻን ብሂሎሙ እንበለ ያኅልፉ እሉ

ተማከሩ ይቅትልዎ እስመ ነገረ ወልድ ኢያቅለሉ።

ወለፆረ ምስጢር ኅቡእ ዘተከፍሎተ ከፈሉ 

   ቦ ዘይደክሙ ወቦ ዘይኄይሉ።

  ትርጉም፦ናይ ሠለስቲኦም ምስጢር ንከይወጽንእን ብቃል ንኹሉ ንከይንገርን ምስ መሓዛኦም ወልድ ናይ መሓላ ቃል ዝፈጸሙ አብን መንፈስ ቅዱስን ብወልድ ተቖጢዖም።

ምክንያቱ ወልድ ናይ ሠለስቲኦም ምስጢር ንኹሉ ገሊፁ፣ አውጺኡ እዩ እሞ። ምስጢሮም ስለዝገለጸሎም ድማ ናይ ምስጢርና መውጽኢ እናበሉ ኣግሊሎምዎ።ንሳቶም ናይ ሕጻን ነገር እዩ ኢሎም እውን  ንከየሕለፉ ናይ ወልድ ነገር  አቅሊሎም አይርአየዎን እሞ ንክቐትልዎ ተማኸሩ። ዝተሓብአ ምስጢር ንምሽካም እውን ዝደኽሙ ኣለው ዝሕይሉ እውን አለው። 

       ብሓጺሩ 

 ንሰሙ ሰባት ብሓባር ዝተማኸርዎ ምኽሪ እቲ ሓደ ከውጽኦ ከሎ ይናደዱ ንምንታይ አውጺእዎ እውን ይብሉ ክርስቶስ ኣብ ዮርዳኖስ  ብምጥማቑ አብን መንፈስ ቅዱስን ተገሊጾም፣ ዝተሓብአ ዝነበረ ምስጢር ንኹሉ ተገሊጹ ማለት እዩ።

አብን መንፈስ ቅዱስን ምስጢሮም ስለዘውጽአ  ንወልድ ንክቐትልዎ ተማኸሩ ማለት ድማ ብናይ ኹሎም ፈቃድ ክርስቶስ ከም ዝተሰቐለ እዩ ዘረድአና።

           ፫.መወድስ

"ትቀንዕኑ ቅንዓተ ዘስምዓ ሠለስቱ

በዮርዳኖሳዊት ብእሲት ብእሲት ደብረ ታቦር።

ለዘዮርዳኖስ ለብሰቶ ልብሰ ቃለ አብ ማዕምር።

በቅንዓት ዘስምዐ ቃል

ደብረ ታቦር አምጣነ ከማሃ ለብሰቶ በድኅር።

ላዕለ ዘባነ ዳኖስ ከመ ንዕደ 

እስመ ታቦር ርእየት ከመ ይሴንያ ለደብር። 

          

    " ለዓለም" 

ደመናሂ ልኡከ አብ ድኩመ ፍና ቃል መንክር።

እመ ምስለ ዳኖስ ይውዕል  

ምስለ ደብረ ታቦር የሐድር።

ወላዕለ ርእሰ ወልድ ዘአብ ቃቤላ ዘራኢ ገባር።

ርግበ ሰማያት ከመ ነበረ 

ዘርአ ቃለ አብ የአርር። 

     ትርጉም፦ደብረ ታቦር ሰበይቲ ብዮርዳኖሳዊት ሰበይቲ ናይ ምስክር ቅንዓት ትቀንእ ድያ?

ዮርዳኖስ ዝተኸደነቶ ተፈላጢ ዝኾነ ናይ አብ ቃል ኽዳን ብናይ ቃል ቅንዓት ደብረ ታቦር ሰበይቲ እውን ከምኣ ተኸዲናቶ እያ እሞ። ኣብ ልዕሊ ዮርዳኖሳዊት ሰበይቲ ከም ዝጸበቐ ደብረ  ታቦር  ሰበይቲ እውን ንባዕላ ከም ዝጽብቐላ ርእያ እያ እሞ።

ኣደናቒ ዝኾነ ብናይ ቃል መንገዲ ዝደኸመ ናይ አብ መልእክተኛ ደመና ምስ ዮርዳኖስ ይውዓል ደአ እምበር ምስ ደብረ ታቦር ይሓድር ኣብ ናይ ወልድ ናይ ሓረስታይ መሸላ ርእሲ ናይ ሰማያት ርግቢ ተቀሚጡ  ናይ አብ ቃል ዘርኢ ይለቅም ።

      ብሓጺሩ

 ንሰሙ ሓንቲ ጓል አንተስይቲ ዝተኸደነቶ ኽዳን እንተጥዒሙላ እታ ሓንቲ ርእያ ትቀንእ እሞ ንሳ እውን ከምኡ ዝበለ ኽዳን ትገዝእ ትኽደን ትኽእል እያ። ንወርቁ ዮርዳኖስ ዝስምዓቶ ዝፈትዎ ወደይ እዚ እዩ ዝብል ናይ አብ ቃል ደብረ ታቦር እውን ከምኡ ሰሚዓቶ  ናይ አብ ድምጺ ተሰሚዑ ፣ምስጢረ ሰማይ ተከሢቱ ማለት እዩ።መንፈስ ቅዱስ እውን አብ ርእሲ ወልድ ተቀሚጡ እዩ ምስጢረ ሥላሴ ተገሊጹ እዩ ዝብል እቲ ቅኔ።

ኣብዚ ጥብቆ ኣቲና ነዚ ገጽ ፈለው ሸር ሳብስክራይብ ብምግባር ቤተሰብ ንኩን ኩልና  ።"

https://sonstmichael.blogspot.com/2022/09/blog-post_8.html

Please to grow our pages share, like, Follow and subscribe

 ሳብስክራይብ ብምግባር ቤተሰብ ንኩን ኩልና https://youtu.be/FIkzATbCA5Y

https://instagram.com/son_st_michael?igshid=ZDc4ODBmNjlmNQ==

ይትባረክ አምላክ አበዊነ ወአምላከ ቅዱሳን አሜንንን